കമ്പളക്കാട്: വോയിസ് ഓഫ് വേള്‍ഡ് മലയാളി കൗൺസിൽ ട്രസ്റ്റ്‌ വയനാട് ചാപ്റ്റർ രൂപീകരിച്ചു. സംഘടനയുടെ ഫൗണ്ടറും ചെയർപേഴ്സനുമായ അജിത പിള്ള ചടങ്ങ് നടന്നു ഉദ്ഘാടനം നിർവഹിച്ചു. തുടർന്ന് സംഘടനയുടെ ഉദ്ദേശലക്ഷ്യങ്ങളും പ്രവർത്തനങ്ങളും വിശദീകരിച്ചു.
സി. എ നയിം അധ്യക്ഷത വഹിച്ച യോഗത്തിൽ എ.ആർ പ്രിൻസ് സ്വാഗതം പറഞ്ഞു. ജില്ലാ ചാപ്റ്റർ ഭാരവാഹികളായി മാർഗരറ്റ് തോമസ്, മാനന്തവാടി മുനിസിപ്പൽ കൗൺസിലർ( പ്രസിഡന്റ് ) പി.അബ്ദുൽ അസീസ്, മൻസൂർ മായൻ ( വൈസ് പ്രസിഡന്റ്മാർ ) ലില്ലി മാത്യു,റിട്ട :ഹെഡ്മിസ്ട്രസ്( സെക്രട്ടറി), എ.ആർ പ്രിൻസ്, വി.വി സലീം (ജോ : സെക്രട്ടറിമാർ) പി. എം കൃഷ്ണകുമാർ ( ട്രഷറർ ). സി.എ. നയിം ( കോ ഓഡിനേറ്റർ ) എന്നിവരെ തെരഞ്ഞെടുത്തു.
വിഡബ്ലിയു എം സി വയനാട് ചാപ്റ്ററിന്റെ കീഴിൽ വയോജന പാർക്ക്, സ്ത്രീകൾക്കും പുരുഷന്മാർക്കും ഉള്ള സ്വയംതൊഴിൽ പരിശീലന കേന്ദ്രം എന്നിവ തുടങ്ങുന്നതിനും ,വയനാട്ടിലെ ജനങ്ങളുടെ ആരോഗ്യ പ്രശ്നങ്ങളിൽ വേണ്ട പരിഹാരം കാണുന്നതിനു വേണ്ടിയുള്ള ഇടപെടലുകൾ നടത്തുവാനും യോഗത്തിൽ തീരുമാനിച്ചു.
