പനമരം ഭാഗത്ത് വെച്ച് എക്സൈസ് സർക്കിൾ പാർട്ടി നടത്തിയ വാഹന പരിശോധനയിൽ 25 കുപ്പിമദ്യം കടത്തുകയായിരുന്നയാൾ അറസ്റ്റിൽ. കമ്പളക്കാട് സ്വദേശിയായ അത്തിലൻവീട്ടിൽ മുജീബ് റഹ്‌മാൻ (40) ആണ് പിടിയായത്. മദ്യം കടത്തി കൊണ്ടുവരാൻ ഉപയോഗിച്ച KL 58 R 6094 എന്ന സുസുക്കി ആക്സസ് സ്കൂട്ടിയും എക്സൈസ് കസ്റ്റഡിയിലെടുത്തു.
പലതവണയായി പനമരം KSBC ഷോപ്പിൽ നിന്ന് വാങ്ങിച്ച 500 മില്ലി വീതം കൊള്ളുന്ന 25 കുപ്പി മദ്യമാണ് എക്സൈസ് പ്രതിയിൽ നിന്ന് കണ്ടെത്തിയത്.പ്രതിയെയും തൊണ്ടിമുതലും അനന്തര നടപടികൾക്കായി മാനന്തവാടി എക്സൈസ് റേഞ്ചിന് കൈമാറി.
വയനാട് ഉപതിരഞ്ഞെടുപ്പുമായി ബന്ധപ്പെട്ട് എക്സൈസ് പരിശോധനകൾ കർശ നമാക്കിയിട്ടുണ്ട്.എക്സൈസ് പാർട്ടിയിൽ പ്രിവൻ്റീവ് ഓഫീസർമാരായ ജിനോഷ് . പി ആർ ,ജോണി .കെ ,സിവിൽ എക്സൈസ് ഓഫീസർ പ്രിൻസ്. റ്റി.ജി,എക്സൈസ് ഡ്രൈവർ ഷിംജിത്ത് .പി എന്നിവർ പങ്കെടുത്തു.
