വെണ്ണിയോട് :വെണ്ണിയോട് പുഴയിൽ ചാടിയ കുട്ടിയുടെ മൃതദേഹം കണ്ടെത്തി. കഴിഞ്ഞ വ്യാഴാഴ്ചയാണ് അമ്മ ദർശന കുട്ടിയുമായി പുഴയിൽ ചാടിയത്. ദർശനയെ രക്ഷപ്പെടുത്തി ആശുപത്രിയിൽ എത്തിച്ചെങ്കിലും പിറ്റേദിവസം മരിക്കുകയായിരുന്നു.
ചാടിയ സ്ഥലത്തുനിന്ന് രണ്ടുകിലോമീറ്റർ ചുറ്റളവിൽ നിന്നാണ് മൃതദേഹം കണ്ടെത്തിയത്. ഇന്ന് രാവിലെ മൃതദേഹം വെള്ളത്തിൽ നിന്ന് പൊങ്ങുകയായിരുന്നു.തുർക്കി ജീവരക്ഷ സമിതിയുടെ നേതൃത്വത്തിൽ മൃതദേഹം കരയിലെത്തിച്ചു.
