മുട്ടിൽ:രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ അരക്കിലോ കഞ്ചാവുമായി യുവാക്കൾ പിടിയിൽ. മുട്ടിൽ സൗത്ത് വില്ലേജിൽ കുട്ടമംഗലം എടത്തറവയൽ കെ സി ഹുസൈൻ എന്നയാളുടെ ഷെഡിൽ ചില്ലറ വിൽപ്പനക്കായി സൂക്ഷിച്ച കഞ്ചാവാണ് പിടികൂടിയത്. ചെറിയ പോളിത്തീൻ കവറുകളിലാക്കുന്നതിനിടയിൽ നാല് യുവാക്കളും പിടിയിലായി.
മാണ്ടാട് കോറോത്ത് ചാലിൽ വീട്ടിൽ കെ.സി ഹുസൈൻ (30) , ഒതുവ പറമ്പിൽ ഇർഷാദ് ഖാൻ ( 22) ,പുത്തൻപുരക്കൽ ജംഷീർ പി പി ,(26),സാജിദ്പാറക്കാട് സഞ്ജിത് സമാന്‍ പി ( 22 ) എന്നിവരെയാണ് കൽപ്പറ്റ എക്സൈസ് റെയിഞ്ച് ഇൻസ്പെക്ടർ പി.ബാബു രാജും സംഘവും അറസ്റ്റ് ചെയ്ത്.പാർട്ടിയിൽ പ്രിവന്റീവ് ഓഫീസർ അജീഷ് ടി.ബി ,സിവിൽ എക്സൈസ് ഓഫീസർ മാരായ റഷീദ് കെ , സുധീഷ് കെ കെ ,സുദീപ് ജയ്മോൻ, ഡ്രൈവർ അബ്ദുറഹിമാൻ എന്നിവർ പങ്കെടുത്തു.
