കൽപ്പറ്റ:ലോറിയും കെഎസ്ആർടിസിയും കൂട്ടിയിടിച്ച് നിരവധി പേർക്ക് പരിക്ക്. പത്ത് പേരെ ആശുപത്രിയിൽ പ്രവേശിപ്പിച്ചു.കൽപ്പറ്റ റിലയൻസ് പമ്പിന് സമീപം വെച്ചാണ് അപകടം ഉണ്ടായത്. നടവയലിൽ നിന്നും രാവിലെ ചങ്ങനാശ്ശേരിയിലേക്ക് പോകുന്ന കെ എസ് ആർ ടി സി ബസ്സാണ് അപകടത്തിൽപ്പെട്ടത്.രാവിലെ 6.45 ഓടെയായിരുന്നു സംഭവം.
ലോറി ഡ്രൈവർ കർണാടക സ്വദേശി ചന്ദ്രൻ , കെ.എസ്.ആർ.ടി.സി. ഡ്രൈവർ കോട്ടയം സ്വദേശി ബാവൻ, കണ്ടക്ടർ അരുൺ, യാത്രക്കാരായ കണിയാമ്പറ്റ സ്വദേശിനി ഷഹാന (21), നടവയൽ സ്വദേശി ഫ്രാൻസിസ് (76),പള്ളിക്കുന്ന് സ്വദേശിനി നീനു (30), പനമരം സ്വദേശിനി ഉഷാ ഭായ് ,മില്ലുമുക്ക് സ്വദേശിനി നസീമ,കമ്പളക്കാട് സ്വദേശി മണികണ്ഠൻ,പുൽപ്പള്ളി സ്വദേശിനി വിനീത എന്നിവർക്കാണ് പരിക്കേറ്റത്.
