മുള്ളൻകൊല്ലി : മുള്ളൻകൊല്ലി സുരഭി കവലയ്ക്ക് അടുത്തുള്ള ജോസ് പരീക്കൻ എന്നയാളുടെ വീടിൻറെ മുകളിൽ കുടുങ്ങിയ വെള്ളിമൂങ്ങയെ പിടികൂടി.ഫോറസ്റ്റ് ഡെപ്യൂട്ടി റെയിഞ്ചർ ഷാജി വി ആർ ന്റെ നേതൃത്വത്തിലുള്ള സംഘമാണ് വെള്ളിമൂങ്ങയെ പിടികൂടി പി എസ് സനീഷിന് കൈമാറിയത്.
ജോസ് ആന്ധ്രയിൽ സ്കൂൾ നടത്തുകയാണ്. ഇന്നലെ അവധിക്ക് വീട്ടിൽ എത്തിയപ്പോഴാണ് വെള്ളിമൂങ്ങ കുടുങ്ങിയതായി കണ്ടത്. തുടർന്ന് രാത്രിയിൽ വെള്ളിമൂങ്ങയെ പിടികൂടി കാർഡ് ബോർഡ് പെട്ടിയിൽ സൂക്ഷിക്കുകയാണ് ഉണ്ടായത്. തുടർന്ന് ഫോറസ്റ്റ് അധികാരികളെ വിവരമറിയിക്കുകയായിരുന്നു. വെള്ളിമൂങ്ങയെ രാത്രിയിൽ വനത്തിൽ കൊണ്ടുപോയി വിടുമെന്ന് ഫോറസ്റ്റ് അധികൃതർ അറിയിച്ചു.
