മാനന്തവാടി : കണ്ണൂർ അയ്യൻകുന്ന് ഞെട്ടിത്തോട്ടിലെ തണ്ടർബോൾട്ട് മാവോയിസ്റ്റ് ഏറ്റുമുട്ടലിൽ ഒരാൾ കൊല്ലപ്പെട്ടെന്ന് മാവോയിസ്റ്റ് പോസ്റ്റർ. തിരുനെല്ലിയിലെ ഗുണ്ടികപറമ്പ് കോളനിയിലാണ് പോസ്റ്റർ പതിച്ചത്. ഏറ്റുമുട്ടൽ നടന്നത് നവംബർ 13ന് രാവിലെ 9.50ന് ആയിരുന്നു.
മാവോയിസ്റ്റുകളുടെ കുറിപ്പിൽ ഏറ്റുമുട്ടലിലാണ് കവിത എന്ന ലക്ഷ്മി കൊല്ലപ്പെട്ടതെന്നാണ് പറയുന്നത്.ഏറ്റുമുട്ടലിൽ ചിലർക്ക് പരുക്കേറ്റിരുന്നതായി ഡി.ഐ.ജി പുട്ട വിമലാദിത്യ വ്യക്തമാക്കിയിരുന്നു. പശ്ചിമഘട്ട പ്രത്യേക മേഖലാ കമ്മറ്റിയുടെ പേരിലാണ് പോസ്റ്ററും കുറിപ്പും.ആറളത്ത് കവിത കൊല്ലപ്പെട്ടതിന് പകരം വീട്ടുമെന്നും പോസ്റ്ററിൽ പറയുന്നുണ്ട്.
