വയനാട്ടിൽ വീണ്ടും കടുവയുടെ ആക്രമണം. വനം വകുപ്പ് വാച്ചർക്ക് പരിക്ക്. തോൽപ്പെട്ടി സെക്ഷൻ ഫോറസ്റ്റ് ഓഫീസിലെ താൽക്കാലിക വാച്ചറും, സി.പി.എം എം ചേകാടി ബ്രാഞ്ച് സെക്രട്ടറിയുമായ വെങ്കിടദാസ് (50) നാണ് പരിക്കേറ്റത്. രാത്രി 8.30 യോടെയാണ് സംഭവം.
അരണപ്പാറ പള്ളിമുക്കിന് സമീപം വനമേഖലയിൽ വെച്ച് വെങ്കിട ദാസിനെ കടുവ ആക്രമിക്കുകയായിരുന്നു. സാരമായി പരിക്കേറ്റത്തിനെ തുടർന്ന് ഇദ്ദേഹത്തെ മാനന്തവാടി മെഡിക്കൽ കോളേജിൽ പ്രവേശിപ്പിച്ചു.
