പുൽപ്പള്ളി:56വാഴയിൽ ബിനീഷിൻ്റെ ഭാര്യ ചിന്നു എന്നിവരാണ് രാവിലെ 9 – മണിക്ക് വീടിന് പുറത്തു നിൽക്കുമ്പോൾ കടുവയെ കണ്ടത്. കഴിഞ്ഞ ദിവസങ്ങളിൽ പ്രദേശത്ത് കടുവ വാഴയിൽ ബേബിയുടെ മൂരികിടാവിനെ കൊലപ്പെടുത്തിയിരുന്നു. പിന്നീട് പല തവണ നാട്ടുകാരും കടുവയെ കണ്ടിരുന്നു.
സമീപ പ്രദേശമായ ആശ്രമ കൊല്ലി ഐക്കരകുടി എൽദോസിൻ്റെ പശുകിടാവിനെയും കടുവ കൊന്നു. നിരന്തരമായി കടുവയുടെ സാന്നിധ്യം ഉണ്ടായതിനെ തുടർന്ന് ഇവിടെ കൂട് സ്ഥാപിച്ചിട്ടുണ്ട്. മയക്കുവെടി വെക്കാൻ ഉത്തരവായതിനെ തുടർന്ന് ആർആർ ടി സംഘം തോട്ടത്തിൽ കടുവക്കായി തെരച്ചിൽ നടത്തുന്നു.
