കൽപ്പറ്റ : കെ എസ് ആർ ടി സി സ്വിഫ്റ്റ് ബസ്സും ലോറിയും കൂട്ടിയിടിച്ച് രണ്ടുപേർക്ക് പരിക്കേറ്റു. കൽപ്പറ്റ ചന്ദ്രഗിരി ഓഡിറ്റോറിയത്തിന് മുന്നിൽ വെച്ച് രാവിലെ ആറു മണിയോടെയായിരുന്നു അപകടം.
തിരുവനന്തപുരത്ത് നിന്ന് മാനന്തവാടിക്ക് പോവുകയായിരുന്ന ബസാണ് അപകടത്തിൽപ്പെട്ടത്. കണ്ടക്ടർക്കും ഡ്രൈവർക്കുമാണ് പരിക്കേറ്റത്.മുന്നിൽ ഉണ്ടായിരുന്ന കാറിനെ മറികടന്നു കൊണ്ടിരുന്ന ലോറി സ്വിഫ്റ്റ് ബസ്സിന്റെ വരവ് കണ്ടു എതിർ ദിശയിലേക്ക് ഓടിച്ചു കയറ്റി എങ്കിലും ലോറിയുടെ പുറകു വശത്ത് ഇടിക്കുകയായിരുന്നു.
