സുല്‍ത്താന്‍ ബത്തേരി: ദേശീയപാത 766ല്‍ മുത്തങ്ങയ്ക്കു സമീപം പോലീസ് നടത്തിയ വാഹനപരിശോധനയില്‍ 45.79 ഗ്രാം എംഡിഎംഎയുമായി രണ്ടു യുവാക്കള്‍ പിടിയിൽ. തിരൂര്‍ വട്ടപ്പറമ്പില്‍ തറവനാട്ടില്‍ മുഹമ്മദ് ബാസിത്(27), തിരൂര്‍ പെരിന്തല്ലൂര്‍ വെള്ളരിക്കാട്ടില്‍ മുഹമ്മദ് സിനാന്‍(20)എന്നിവരെയാണ് എസ്‌ഐ സി.എം. സാബുവും സംഘവും അറസ്റ്റുചെയ്തത്. യുവാക്കള്‍ സഞ്ചരിച്ച ഇന്നോവ കാറിന്റെ ഗിയര്‍ബോക്‌സ് ഫ്‌ളാപ്പിനകത്തുനിന്നാണ് മയക്കുമരുന്ന് കണ്ടെടുത്തത്. ബംഗളൂരുവില്‍ നിന്നും വരികയായിരുന്നു ഇവർ. കാറും കസ്റ്റഡിയിലെടുത്തു.