വൈത്തിരി: വൈത്തിരിയില്‍ റസ്റ്റോറന്റിന് തീപിടിച്ചു. ഇഫ്താര്‍ റസ്റ്റോറന്റിലാണ് ഇന്ന് ഉച്ചയ്ക്ക് ശേഷം തീപിടുത്തമുണ്ടായത്. അടുക്കളയില്‍ നിന്നുമാണ് തീ പടര്‍ന്നത്. തുടര്‍ന്ന് ഡൈനിംഗ് ഭാഗത്തേക്ക് പടര്‍ന്നതോടെ കട ഭാഗികമായി നശിച്ചു.
ഉച്ചനേരമായതിനാല്‍ കടയില്‍ നല്ല തിരക്കുള്ള സമയമായിരുന്നു .ഇരുനിലകളിലായി ഭക്ഷണം കഴിക്കാന്‍ ഇരുന്ന ആളുകളെ അവസരോചിതമായി സ്ഥാപനത്തിലുള്ളവര്‍ ഒഴിപ്പിക്കുകയുണ്ടായി. അതിനാല്‍ തന്നെ ആളപായം ഇല്ലാതാക്കാനായി. തുടര്‍ന്ന് കല്‍പ്പറ്റ ഫയര്‍ഫോഴ്‌സ് വാഹനം എത്തിയാണ് തീയണച്ചത്. ഏകദേശം മൂന്ന്‌ലക്ഷം രൂപയോളം നാശനഷ്ടം കണക്കാക്കുന്നതായി കടയുടമ അറിയിച്ചു. വ്യാപാരി വ്യവസായി ഏകോപന സമിതി യൂണിറ്റ് ഭാരവാഹികള്‍ സ്ഥലം സന്ദര്‍ശിച്ചു.
