വൈത്തിരി:പൊഴുതന അച്ചൂരില്‍ ആളില്ലാത്ത നേരം നോക്കി വീട്ടിൽ കയറി മോഷണം നടത്തിയ യുവാവ് പിടിയിൽ.അസാം സ്വദേശി ജാക്കിര്‍ ഹുസൈന്‍ (22) ആണ് പിടിയിലായത്.ഓടിളക്കിയാണ് ഇയാൾ വീടിനകത്ത് പ്രവേശിച്ചത്.തുടർന്ന് പണവും രേഖകളും മോഷ്ടിച്ചു.
വൈത്തിരി പോലീസിന് ലഭിച്ച പരാതിയുടെ അടിസ്ഥാനത്തിൽ എസ്.ഐ സലീമും സംഘവുമാണ് ഇയാളെ പിടികൂടിയത്. തൊഴിലുറപ്പ് തൊഴിലാളിയായ വീട്ടമ്മയുടെ പതിനായിരത്തോളം രൂപയും രേഖകളടങ്ങിയ ബാഗുമാണ് മോഷണം പോയത്. സമീപത്തെ തേയില എസ്റ്റേറ്റില്‍ ജോലിക്കായി വന്ന ജാക്കിര്‍ മോഷണത്തിന് ശേഷം കര്‍ണാടകയിലേക്ക് മുങ്ങുകയായിരുന്നു. പിന്നീട് ഇയാൾ വിവിധ ഇടങ്ങളിലായി ജോലി ചെയ്യ്തു. പോലീസ് നടത്തിയ വിശദമായ അന്വേഷണത്തിലാണ് പ്രതി വലയിലായത്.ഫെബ്രുവരിയിലാണ് കേസിന് ആസ്പദമായ സംഭവം.
