ബത്തേരി: ഓണം സ്‌പെഷ്യല്‍ ഡ്രൈവിന്റെ ഭാഗമായി ബത്തേരി എക്സൈസ് സര്‍ക്കിള്‍ ഇന്സ്പെക്ടര് സജിത് ചന്ദ്രന്റെ നേതൃത്വത്തില്‍ സുല്‍ത്താന്‍ ബത്തേരി എക്സൈസ് സര്‍ക്കിള്‍ ഉദ്യോഗസ്ഥരും വയനാട് ഐ.ബി യും സംയുക്തമായി നടത്തിയ പരിശോധനയില്‍ ചുങ്കം ഭാഗത്ത് നിന്നും 900 ഗ്രാം കഞ്ചാവുമായി ഒരാളെ പിടികൂടി. നീലഗിരി ചേരമ്പാടി ഈറക്കല്‍ സിദ്ദീഖ് മരക്കാര്‍ (48) ആണ് പിടിയിലായത്. ഐ.ബി ഇന്സ്പെക്ടര് മണികണ്ഠന്‍, പ്രിവന്റീവ് ഓഫീസര്‍മാരായ എംഎ സുനില്‍ കുമാര്‍, ഹരിദാസന്‍, ജി. അനില്‍കുമാര്‍, സിഇഒ മാരായ രതീഷ് എന്‍ വി , സാദിക് അബ്ദുള്ള ഡ്രൈവര്‍ മാരായ വീരാന്‍ കോയ,പ്രസാദ് എന്നിവര്‍ പരിശോധനയില്‍ പങ്കെടുത്തു.
