തൊണ്ടർനാട്: തൊണ്ടർനാട് കോറോം മരച്ചുവട് പള്ളിക്ക് സമീപം നിയന്ത്രണംവിട്ട കാർ എതിരെ വന്ന മറ്റൊരു കാറിലിടിച്ചു. അപകടത്തിൽ ഇരു വാഹനത്തിലേയും യാത്രക്കാർക്ക് നിസാര പരിക്കേറ്റു. ഇന്ന് നാലേ മുക്കാലോടെയായിരുന്നു അപകടം.
കോറോം ഭാഗത്ത് നിന്നും വരികയായിരുന്ന മൂന്നംഗ കുടുംബം സഞ്ചരിച്ച കാർ നിയന്ത്രണം വിട്ട് റോഡിൽ നിന്നും തെന്നി നീങ്ങി മക്കിയാട് ഭാഗത്ത് നിന്നും വരികയായിരുന്ന കാറിലിടിക്കുകയായിരുന്നു. ഇരു കാറുകൾക്കും കാര്യമായ നാശനഷ്ടം സംഭവിച്ചെങ്കിലും യാത്രക്കാർ നിസാര പരിക്കോടെ രക്ഷപ്പെട്ടതായി ദൃക്സാക്ഷികൾ പറഞ്ഞു.
