പുൽപ്പള്ളി :വനത്തിൽ വിറക് ശേഖരിക്കാൻ പോയ മധ്യവയസ്കനെ കാട്ടാന ആക്രമിച്ചു.ആനപ്പാറ കോളനിയിലെ കുള്ളൻ (62) നാണ് പരിക്കേറ്റത്. ചെതലയം റേഞ്ചിലെ പാതിരി പള്ളിച്ചിറ വനത്തിൽ വച്ചാണ് സംഭവം.
കഴിഞ്ഞ ദിവസം കൃഷിയിടത്തോട് ചേർന്നുള്ള വനാതിർത്തിയിൽ വിറക് ശേഖരിക്കാൻ പോയപ്പോൾ ആയിരുന്നു കാട്ടാനയുടെ ആക്രമണം ഉണ്ടായത്.വനം വകുപ്പ് ഉദ്യോഗസ്ഥർ സ്ഥലത്തെത്തി കുളളനെ ആശുപത്രിയിൽ എത്തിക്കുകയായിരുന്നു. നിലവിൽ ഇയാൾ കോഴിക്കോട് മെഡിക്കൽ കോളേജിൽ ചികിത്സയിലാണ്.
