ആൾതാമസമില്ലാത്ത വീട്ടിൽ നിന്നും 2400 പായ്ക്കറ്റ് ഹാൻസ് പിടിച്ചെടുത്തു.കോട്ടത്തറ വാളൽ പുതുശേരിക്കുന്ന് കോളനിക്ക് സമീപമുള്ള വീട്ടിലാണ് സംഭവം. വിപണിയിൽ ഇതിന് ഏകദേശം ഒരു ലക്ഷത്തിലധികം വില വരും.
രഹസ്യ വിവരത്തെ തുടർന്ന് കമ്പളക്കാട് സബ് ഇൻസ്പെക്ടർമാരായ സൂരജ്, റോയി, സ്പെഷ്യൽ ബ്രാഞ്ച് എസ്.ഐ സുനിൽകുമാർ എം.എൻ, എ.എസ്.ഐ ആനന്ദൻ തുടങ്ങിയവർ അടങ്ങിയ സംഘമാണ് ഹാൻസ് പായ്ക്കറ്റുകൾ പിടിച്ചെടുത്തത്. ഇതുമായി ബന്ധപ്പെട്ട് പോലീസ് അന്വേഷണം ആരംഭിച്ചു.
