കൊച്ചി ∙ നാലംഗ കുടുംബത്തെ അയൽവാസി വെട്ടിപ്പരുക്കേൽപ്പിച്ചു.കോലഞ്ചേരി കടയിരുപ്പിൽ പീറ്റർ, ഭാര്യ സാലി, മകൾ റോഷ്നി, മരുമകൻ ബേസിൽ എന്നിവരെയാണ് അയൽവാസി അനൂപ് വാക്കത്തി ഉപയോഗിച്ചു വെട്ടിയതെന്നു പൊലീസ് പറഞ്ഞു.
വൈകിട്ട് മൂന്നോടെയായിരുന്നു സംഭവം. ഹോൺ അടിച്ചതിനെചൊല്ലിയുള്ള തർക്കമാണു അക്രമത്തിൽ കലാശിച്ചതെന്നാണു പ്രാഥമിക നിഗമനം. ഗുരുതരമായി പരിക്കേറ്റ നാലുപേരും കോലഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്. പ്രതി അനൂപിനെ പുത്തൻകുരിശ് പൊലീസ് കസ്റ്റഡിയിലെടുത്തു.
