ബത്തേരി: ബത്തേരി പൊന്‍കുഴിയില്‍ വെച്ച് ലോറിയില്‍ നിന്നും 10,400 ലിറ്റര്‍ സ്പിരിറ്റ് പിടികൂടിയ കേസിലെ ഒന്നാം പ്രതി പിടിയിലായി. മലപ്പുറം കൊണ്ടോട്ടി കൊളത്തൂര്‍ പൂളക്കാതൊടി വീട്ടില്‍ മുഹമ്മദ് ബഷീര്‍ ആണ് പിടിയിലായത്. ഒളിവിലായിരുന്ന പ്രതി ദുബായില്‍ നിന്നും കരിപ്പൂരിലേക്ക് വരുന്ന വഴിലുക്ക് ഔട്ട് നോട്ടീസിന്റെ അടിസ്ഥാനത്തില്‍ കൊണ്ടോട്ടി പോലീസ് കസ്റ്റഡിയിലെടുത്ത് ബത്തേരി എക്‌സൈസ് ഇന്‍സ്പെക്ടര്‍ പി ബാബുരാജിന്റെ നേതൃത്വത്തിലുള്ള സംഘത്തിന് കൈമാറുകയായിരുന്നു. 2021 മെയ് മാസത്തിലായിരുന്നു സ്പിരിറ്റ് പിടികൂടിയത്. തുടര്‍ന്ന് എക്‌സൈസ് എന്‍ഫോഴ്‌സ്മെന്റ് ആന്‍ഡ് ആന്റി നര്‍കോട്ടിക് സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ സജിത്ത് ചന്ദ്രന്റെ നേതൃത്വത്തിലാണ് കേസെടുത്തത്.
