താമരശേരി∙ മാനന്തവാടിയിൽ നിന്നും കോഴിക്കോടിനു പോകുന്ന കെഎസ്ആർടിസി ബസ്സിൽ ഇരുപത്തിമൂന്നുകാരിക്കു നേരെ ലൈംഗികാതിക്രമം. തിരക്കേറിയ ബസ്സിൽ യാത്ര ചെയ്യവേയാണ് യുവതിക്കു നേരെ അതിക്രമമുണ്ടായത്. തുടർന്ന് ബസ്സിൽ വച്ചുതന്നെ യുവതി ഇയാളെ അടിക്കുകയും ഡ്രൈവർ പൊലീസിൽ വിവരം അറിയിക്കുകയും ചെയ്തു.
എന്നാൽ യുവതിക്ക് പരാതിയില്ലെന്ന് പറ‍ഞ്ഞതിനാൽ പൊലീസ് കേസെടുത്തില്ല. യുവാവിന് തക്കതായ ശിക്ഷ നൽകിയിട്ടുണ്ടെന്നും അതിനാലാണ് പരാതി നൽകാതിരുന്നതെന്നും യുവതി വ്യക്തമാക്കി.
