കോളജ് വിദ്യാർത്ഥികളുടെ ചിത്രങ്ങൾ അശ്ലീല ഫേസ്ബുക്ക് പേജുകളിൽ പങ്കുവെച്ച മുൻ എസ്എഫ്ഐ നേതാവിനെതിരെ കേസ്. കാലടി സർവകലാശാലയിലെ മുൻ എസ്എഫ്ഐ നേതാവ് രോഹിത്തിനെതിരെയാണ് കേസെടുത്തത്. കാലടി പൊലീസ് ആണ് കേസെടുത്തത്. ഇരുപതോളം വിദ്യാർഥികളുടെ ചിത്രങ്ങളാണ് ഇയാൾ പങ്കുവെച്ചത്.
സോഷ്യൽ മീഡിയയിൽ ആണ് വിദ്യാർത്ഥികളുടെ ഗ്രൂപ്പ് ഫോട്ടോ പ്രചരിപ്പിച്ചത്. കാലടി ശ്രീശങ്കര കോളേജിലെ വിദ്യാർത്ഥികളുടെ ചിത്രങ്ങളാണ് എഫ് ബി പേജിൽ പങ്കുവെച്ചത്. ഒരു വിദ്യാർത്ഥി തന്നെയാണ് ഇയാൾക്കെതിരെ പരാതി നൽകിയത്. രോഹിത് നിലവിൽ കാലടി സർവകലാശാല വിദ്യാർത്ഥി അല്ല. പ്രതിയെ അറസ്റ്റ് ചെയ്ത് സ്റ്റേഷൻ ജാമ്യം നൽകി വിട്ടയച്ചു. കുടുംബ പ്രശ്നങ്ങൾ ആണ് ചിത്രം പ്രചരിപ്പിച്ചതിന് പിന്നിലെന്ന് പോലീസ്. ഇയാൾ നിലവിൽ എസ്എഫ്‌ഐയുടെ ഭാരവാഹിയല്ലെന്നും സംഘടനയുമായി ഒരു ബന്ധവും ഇല്ലെന്ന് എസ്എഫ്ഐ അറിയിച്ചു.
