മുത്തങ്ങ: ക്രിസ്തുമസ് പുതുവത്സര സ്‌പെഷ്യല്‍ ഡ്രൈവിനോട് അനുബന്ധിച്ച് സുല്‍ത്താന്‍ബത്തേരി എക്‌സൈസ് റേഞ്ച് പാര്‍ട്ടി സംസ്ഥാന അതിര്‍ത്തിയായ പൊന്‍കുഴിയില്‍ വെച്ച് നടത്തിയ വാഹന പരിശോധനയില്‍ മെത്താഫിറ്റമിനുമായി യുവാവ് പിടിയിൽ . മൈസൂരില്‍ നിന്നും തൃശ്ശൂരിലേക്ക് വരികയായിരുന്ന കേരള ആര്‍.ടി.സി.ബസ്സിലെ യാത്രക്കാരനില്‍ നിന്നും 30 ഗ്രാം അതിമാരക മയക്കുമരുന്നായ മെത്താ ഫിറ്റമിന്‍ പിടികൂടിയത്. സംഭവവുമായി ബന്ധപ്പെട്ട് കോഴിക്കോട് അടിവാരം പൂവിലേരി വീട്ടില്‍, മുഹമ്മദ് ഫയാസ് (29) എന്ന ആളെ അറസ്റ്റ് ചെയ്തു.
സുല്‍ത്താന്‍ ബത്തേരി എക്‌സ്സൈസ് റേഞ്ച് ഇന്‍സ്പെക്ടര്‍ പി. ബാബുരാജിന്റെ നേതൃത്വത്തിലുള്ള പരിശോധന സംഘത്തില്‍ അസി. എക്‌സ്സൈസ് ഇന്‍സ്പെക്ടര്‍(ഗ്രേഡ് ) ഹരിദാസന്‍ എം. ബി, പ്രിവന്റീവ് ഓഫീസര്‍ മനോജ്കുമാര്‍ പി. കെ, സിവില്‍ എക്‌സ്സൈസ് ഓഫീസര്‍ മാരായ ചാള്‍സ്‌കുട്ടി,ശിവന്‍ ഇ. ബി നിക്കോളാസ് ജോസ്, വനിതാ സിവില്‍ എക്‌സ്സൈസ് ഓഫീസര്‍ സിനി പി. എന്‍, പ്രിവന്റ് ഓഫീസര്‍ ഓഫീസര്‍ ഡ്രൈവര്‍ ബാലചന്ദ്രന്‍ കെ. കെ എന്നിവരും ഉണ്ടായിരുന്നു.
സുല്‍ത്താന്‍ബത്തേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് -1 കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ക്രിസ്തുമസ് പുതുവത്സരത്തോടനുബന്ധിച്ച് സംസ്ഥാന അതിര്‍ത്തികളിലും ചെക്ക് പോസ്റ്റുകളിലും എക്‌സൈസ് കര്‍ശന പരിശോധനയാണ് നടത്തിവരുന്നത്..
