പുൽപള്ളി : 236 ഗ്രാം കഞ്ചാവുമായി യുവാക്കൾ പിടിയിൽ . മേപ്പാടി സ്വദേശികളായ പൂത്തക്കൊല്ലി പാടിയിലെ ശിവപ്രസാദ് (22) ,മുക്കിൽ പീടിക കാലടിയിൽ വീട്ടിൽ മുഹമ്മദ്‌ അസ്‌ലം (20) എന്നിവരെയാണ് പെരിക്കല്ലൂർക്കടവ് മരക്കടവ് റോഡിൽ വച്ച് പുൽപള്ളി പോലീസ് ഇന്നലെ പിടികൂടിയത്. ഇവർ സഞ്ചരിച്ചിരുന്ന KL57 H 3979 നമ്പർ മോട്ടോർ സൈക്കിളും പിടിച്ചെടുത്തു.
ഇരുവർക്കെതിരെയും എൻ ഡി പി എസ് ആക്ട് പ്രകാരം കേസ് രജിസ്റ്റർ ചെയ്തു. പുൽപള്ളി പോലീസ് സ്റ്റേഷൻ സബ് ഇൻസ്‌പെക്ടർ പി ജി സാജൻ, എ എസ് ഐ ഫിലിപ്പ്, സിവിൽ പോലീസ് ഓഫീസർമാരായ അസീസ്, അയ്യപ്പൻ എന്നിവരാണ് പോലീസ് സംഘത്തിലുണ്ടായിരുന്നത്.
