പുല്‍പ്പള്ളി: കഴിഞ്ഞ ദിവസം കാണാതായ വയോധികയെ മരിച്ച നിലയില്‍ കണ്ടെത്തി.പുല്‍പ്പള്ളി സീതാമൗണ്ട് മുളംകുന്നത്ത് വീട്ടില്‍ മാത്യുവിന്റെ ഭാര്യ റോസമ്മ (67) യുടെ മൃതദേഹമാണ് ബത്തേരിക്കടുത്ത മൂന്നാം മൈലില്‍ കണ്ടെത്തിയത്. ഇവര്‍ തിങ്കളാഴ്ച രാവിലെ 10.30യോടെ പാടിച്ചിറയിലെ ബാങ്കിലേക്കെന്ന് പറഞ്ഞ് വീട്ടില്‍നിന്നിറങ്ങിയതാണ്. വൈകുന്നേരമായിട്ടും തിരിച്ചെത്താതായതോടെ ബന്ധുക്കള്‍ പുല്‍പ്പള്ളി പോലീസ് സ്റ്റേഷനില്‍ പരാതി നല്‍കിയിരുന്നു. മരണ കാരണം വ്യക്തമല്ല.
