തിരുനെല്ലിയിൽ സ്കൂട്ടർ മതിലിലിടിച്ചുണ്ടായ അപകടത്തിൽ രണ്ട് യുവാക്കൾ മരിച്ചു. ബത്തേരി കരിവള്ളിക്കുന്ന് ശങ്കരമംഗലത്ത് സജി യുടെ മകൻ വിഷ്ണു സജി (24) മന്തണ്ടിക്കുന്ന് കാഞ്ഞിരത്തിങ്കൽ വാസെന്റ മകൻ അമൽ വിഷ്ണു (23) എന്നിവരാണ് മരിച്ചത്. ഇന്നലെ രാത്രി 11 മണിയോടെയായിരുന്നു അപകടം.
മൂലങ്കാവ് ഭാഗത്തു നിന്നും ബത്തേരി ടൗണിലേക്ക് വരുന്നതിനിടെ ഇവർ സഞ്ചരിച്ച സ്കൂട്ടർ പാതയോരത്തെ മതിലിൽ ഇടിക്കുകയായിരുന്നു. ഇരുവരും സംഭവ സ്ഥലത്തുവെച്ചു തന്നെ മരിച്ചു. മൃതദേഹം ബത്തേരി താലൂക്കാശുപത്രിയിൽ.
